“NUK ËSHTË HAKMARRJE NDAJ SERBËVE”
Pavarësisht thirrjes së SHBA-së për shtyrje të afatit kryeministri Albin Kurti vazhdon të jetë këmbëngulës se nuk do të shtyjë afartin për konvertimin e targave serbe në RKS.
Nuk do të ketë afat shtesë për qytetarët serb për t’i konvertuar targat serbe në RKS.
Këtë qëndrim kryeministri Albin Kurti vazhdon të mos e ndryshoj duke është se tashmë një shtyerje është bërë, kur është zgjatur vendimi.
Thotë se kjo nuk është hakmarrje ndaj serbëve.
“Nuk është as hakmarrje, as inat, e as urrejtje. Por, zbatim i ligjit”…..shprehet Albin Kurti Kryeministër i Kosovës
Kurti mes tjerash thotë se janë në konsulta të vazhdueshme me faktorët ndërkombëtar.
“Kur aleatët e partnerët tanë na japin sugjerime ne i marrim ato shumë seriozisht dhe i analizojmë me kujdes”…shprehet Albin Kurti Kryeministër i Kosovës.
Për interesim të ulët të qytetarëve për të konvertuar targat pengesë e sheh fushatën negative dhe aktet kriminale të dhunës që e kanë origjinën në Beograd .
Deklaratat e Kurtit erdhën pak orë pasi zëdhënësi i Departamentit Amerikan të shtetit shfaqi shpresën për arritjen e një marrëveshjeje për targat. Ai ka thënë se sikurse emisari për Ballkanin Gabriel Escobar ashtu edhe sekretari amerikan Antony Blinken janë që Kosova dhe Serbia të zgjidhin mosmarrëveshjet.
Gazetare: Blerta Dalloshi Berisha
