Komunikacioni në mbarë vendin po zhvillohet pa pengesa dhe kryesisht nëpër rrugë të lagështa. Intensiteti i trafikut jashtë mjediseve urbane është i matur. Në vendkalimet kufitare për hyrje dhe dalje nga vendi, nuk ka pritje më të gjata se sa ato të zakonshmet për kryerjen e formaliteteve doganore, njoftojnë nga Lidhja Auto Moto e Maqedonisë.
Nga LAMM rekomandojnë përshtatje të shpejtësisë me kushtet e rrugëve dhe respektim të sinjalistikës rrugore, në komunikacion dhe menaxhim të kujdesshëm të automjeteve, veçanërisht në rrugët nëpër lugina, lugina lumore dhe gryka, ku ka mundësi për rrëshqitje të dheut. Kjo veçanërisht vlen për segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë./KlanMacedonia/
