Një komandant i lartë çeçen që luftonte në Ukrainë është plagosur, njoftoi kanali televiziv i Ministrisë ruse të Mbrojtjes Zvezda.
Adam Delimkhanov, një anëtar i Dumës së Shtetit dhe komandant i divizionit çeçen të gardës kombëtare ruse, shihet gjerësisht si zyrtari i dytë më i lartë i rajonit pas Ramzan Kadyrov.
Në një mesazh të postuar në Telegram, Kadyrov tha se nuk mund të kontaktonte Delimkhanov dhe kërkoi ndihmë për të gjetur “vëllanë e tij të dashur”, shkruan Al Jazeera, përcjell Klankosova.tv
Delimkhanov mori një rol të spikatur në fushatën ushtarake të Rusisë në Ukrainë, duke komanduar forcat çeçene në betejën e përgjakshme për Mariupolin në ditët e para të luftës.
Më herët gjatë ditës, mediat ukrainase raportuan se Delimkhanov ishte vrarë në një sulm artilerie në Ukrainën jugore.
