Në të gjithë Kievin është ndërprerë furnizimi me ujë për shkak të mbylljes së stacioneve të pompimit që furnizohen me energji elektrike, njoftoi sot kompania e ujit Kievvodokanal.
“Për shkak të situatës emergjente, stacionet e pompimit të ujit të Kanalit të Ujit të Kievit kanë mbetur pa furnizim me energji elektrike, për këtë arsye nuk do të ketë ujë në të gjithë territorin e Kievit. Furnizimi i stacioneve të pompimit do të rikthehet brenda një ore, por do të duhet më shumë kohë për të nisur ujësjellësin”, thuhet në deklaratë.
Shefi i kabinetit të presidentit ukrainas, Andrey Yermak, tha më parë se mungesa e energjisë në Ukrainë mund të zgjasë me javë, dhe kryetari i bashkisë së Kievit, Vitaly Klitschko, tha se ekziston mundësia që në rast të një më të gjatë të ndërprerjeve të energjisë elektrike, qytetarët e Kievit mund të mbeten pa ngrohje gjatë dimrit.
Në njoftimin e Kievvodokanal, qytetarët ftohen që të rezervojnë ujë për nevoja shtëpiake dhe teknike, pasi që ndërprerjet më të gjata të energjisë elektrike mund të shkaktojnë probleme afatgjata në furnizimin me ujë.
