Khloe Kardashian ka zbuluar se ka hequr një tumor të rrallë nga fytyra e cila quhej melanoma prekanceroze.
38-vjeçarja shpjegoi në Instagram se kishte një gungë të vogël në fytyrë dhe nuk iu largua për shtatë muaj.
Mjekët i thanë Khloe se ajo duhet të bënte një operacion të menjëhershëm. Khloe thotë se Dr. Garth Fisher e kreu operacionin dhe ajo thotë se gjithçka duket mirë tani dhe ajo po shërohet.
Ylli i reality TV shtoi se shpreson që kjo do t’i inkurajonte të tjerët që të vizitohen tek mjeku nëse vërenin ndryshime në lëkurën e tyre.
Khloe ka pasur më parë një operacion për të hequr melanomën, një lloj kanceri të lëkurës kur ishte 19 vjeç.
“Kam pasur melanoma në shpinë dhe kam bërë një operacion për ta hequr atë gjithashtu, kështu që jam parapërgatitur për melanoma”, ka thënë ajo.
Ajo u bëri thirrje njerëzve që të jenë të kujdesshëm dhe të kontrollojnë gjatë gjithë kohës.
“Unë jam dikush që përdor krem kundër diellit çdo ditë, kështu që askush nuk është i përjashtuar nga këto gjëra. Ju lutemi, merreni seriozisht këtë dhe bëni vetëkontroll të rregullt, si dhe kontrolle vjetore tek mjeku”, ka shtuar ndër të tjera Khloe. /tvklan.al
