MINISTRIA E DREJTËSISË VLERSON SI NJË MIRËNJOHJE TË MADHE
KE me vlerësime pozitive për Ligjin e ri për Akademinë për Gjyqtarë dhe Prokurorë Publikë në Maqedoni lajmi u bë i ditur nëprmjet një komunikate nga Ministria e Drejtësisë.
Ministria e Drejtësisë njofton se Komisioni Evropian ka dhënë nota pozitive në shqyrtimin e Raportit për Ligjin e ri për Akademinë për Gjyqtarë dhe Prokurorë Publikë, i cili u miratua së fundmi në Kuvend, Nga ky institucion thonë se kjo është një mirënjohje e madhe nga Bashkësia Ndërkombëtare që monitoron në progresin e Republikës së Maqedonisë së Veriut. Departamenti shton se Akademia për Gjyqtarë dhe Prokurorë Publikë mbetet një pikë e ndritur në procesin e reformës në sistemin e drejtësisë, përfundoi KE në shqyrtimin e Raportit për Klasterin 1, “Vlerat Themelore”.
“Me ndryshimet mundësohet edhe marrja e një certifikate të unifikuar përfundimin e trajnimit fillestar për gjyqtarët dhe prokurorët publikë. Komisioni Evropian konsideron se kjo paraqet një përfitim të madh në ngritjen e cilësisë për përzgjedhjen e më të mirëve që janë regjistruar në shpalljen për pranim të trajnimin fillestar të Akademisë.
Në njoftimin e Ministrisë së Drejtësisë thuhet Ligji parashikon gjithashtu unifikimin e praktikës gjyqësore përmes një vëllimi të shtuar të trajnimeve për gjyqtarët në kuadër të Akademisë së Gjyqtarëve dhe Prokurorëve Publikë, si dhe një ripërcaktim të mënyrës së dhënies së provimeve pranuese dhe përfundimtare bazuar në kritere dhe kritere objektive për vlerësimin e njohurive të kandidatëve. Ndryshe, Ndryshimet ligjore u iniciuan nga ministri i Drejtësisë Krenar Loga dhe u mbështetën nga deputetët e mazhorancës qeveritare pasi ishin bllokuar më parë në Kuvend. /KlanMacedonia/
