Kampionati i 22-të botëror i futbollit ka hyrë në fazën përfundimtare. Deri në fund kanë mbetur të zhvillohen dy ndeshjet gjysmë finale, ndeshja pë vendin e tretë dhe finalja e madhe . Sonte në program është gjysmëfinalja e pare Kroaci – Argjentinë
Në këtë ndeshje gjysmëfinale opinioni i futbollit do t’i përqendrojë sytë te Lionel Messi dhe Luka Modriq, te dy ikonat e futbollit botërorë në veçanti të vendeve të tyre.
Kombëtarja kroate e udhëhequr nga seleksionuesi Zllatko Daliq do të tentoj të përsërisë suksesin e para katë viteve kur në Rusi luajti në finale, ndërsa në fazën e grupeve mundën Argjentinën 3-0
Nga ana tjetër, argjentinasi Lionel Messi është në misionin e tij jetësor për të fituar Botërorin e tij të parë dhe për t’u pensionuar nga kombëtarja.
Deri më tani Kroacia dhe Argjentina kanë luajtur pesë herë deri më tani. Duelin e parë e kishin në vitin 1994 në një ndeshje miqësore që përfundoi pa gola. Më pas, në Kupën e Botës në Francë në vitin 1998, Argjentina fitoi falë një goli të Maurizio Pineda. Në dy ndeshjet miqësore në vitin 2006, në debutimin e Luka Modriq, Kroacia fitoi 3:2. Tetë vjet më vonë në Angli, Argjentina arriti një tjetër fitore 2:1. Ndërsa ndeshja e fundit mes këtyre dy kombëtareve ishte në Kupën e Botës në Rusi 2018, ku kroatë shënuan fitore bindëse 3:0 në fazën e grupeve me golat e Rebiq, Modriq dhe Rakitiq.
Cilat janë rezultatet e dy ekipeve gjysmëfinaliste në “Katar 2022”
Kroacia – Belgjika 0-0 Argjentina – Polonia 2-0
Kroacia – Japonia 1-1 (3-1 penalti) Argjentina – Australia 2-1
¼ e finales
Kroacia – Brazili 1-1 (4:2 penalti) Argjentina – Holanda 2-2 (4-3 penalti)
Tani mbetet të shihet se kush do të ngadhënjej sonte në “Lusail Iconic Stadium” në Lusail me fillim në orën 20:00, Kroacia apo Argjentina. Drejtësinë do ta ndaj italiani Daniele Orsato.
Këto janë formacionet e mundshme në ½ e finales:
Kroacia: Livakoviq, Juranoviq, Lovren, Gvardiol, Sosa, Kovaciq, Brozoviq, Modriq, Pasaliq, Kramariq, Perisiq.
Argjentina: Martínez, Molina, Romero, Otamendi, Tagliafico, Di María, De Paul, Enzo Fernández, Mac Allister, Messi, Álvarez.
Përgatiti: Shaban Sinani /KlanMacedonia/
