RUDY GIULIANI AKUZOHET SE U PERPOQ TE PERMBYSTE REZULTATET ZGJEDHORE TE VITIT 2020
Rudy Giuliani, ish-avokat dhe i besuari i Donald Trump, iu dorëzua autoriteteve në burgun e qarkut Fulton me akuzën se u përpoq të përmbyste rezultatet zgjedhore të vitit 2020.
Ish-avokati i ish-presidentit amerikan Donald Trump, Rudy Giuliani i është dorëzuar autoriteteve amerikane në Xhorxhia për t’u përballur me akuzat se u përpoq të përmbyste rezultatin e zgjedhjeve presidenciale të vitit 2020.
Giuliani, një ish-prokuror federal dhe kryebashkiak i qytetit të Nju Jorkut, u urdhërua të paguante një garanci prej 150,000 dollarësh dhe të mos frikësonte të pandehurit e tjerë në çështje ose dëshmitarët.
Shuma prej 150 mijë dollarësh humbet nëse ish-avokati nuk paraqitet në gjykatë kur t’i kërkohet.
Tetë nga të pandehurit e tjerë të Trump në çështjen penale të ngritur nga Prokurorja e Qarkut Fulton, Fani Ëillis, janë dorëzuar gjithashtu.
Ëillis, ka ngritur akuza ndaj Trump dhe 17 të tjerëve se u përpoqën të ndryshonin rezultatin e zgjedhjeve presidenciale në Xhorxhia.
Giuliani, akuzohet se ndihmoi Trump në përpjekjet e tij për të detyruar ligjvënësit në Xhorxhia dhe shtete të tjera të kontestuara që të mos marrin parasyshë vullnetin e votuesve dhe të emërojnë në mënyrë të paligjshme persona që mbështesin ish-kreun e Shtëpisë së Bardhë.
GAZETARE: XHUANA LIKA
PAMJET: REUTERS
