Kënga “bonus” mund të fshehë abortin që ka pësuar këngëtarja
Albumi i ri, “Midnights” i Taylor Swift , ka thyer edhe njëherë të gjitha platformat muzikore pasi publikimit të premten e kaluar. Ashtu siç pritej, këngëtarja ka marrë lëvdata dhe kritika të shumta në rrjetet sociale.
Komentet e vazhdueshme negative dhe memet rreth këngës “Snow on the Beach”, një nga bashkëpunimet më të shumëpritura mes Taylor Swift dhe Lana del Rey, ku kjo e fundit shfaqet më shumë në titullin e këngës sesa në këndim, janë lënë mënjanë pasi disa fansa kanë analizuar me kujdes tekstin e një kënge tjetër të saj.
Taylor Swift mund të ketë treguar në ‘Midnights’ se ajo ka pësuar një abort. Është një nga këngët ‘bonus’ që këngëtarja ka publikuar me albumin e saj të ri luksoz, ose siç e quan ajo ‘3 am edition’, që ka ‘çmendur’ rrjetin.
Në “Bigger than the whole sky”, Taylor këndon për një humbje të madhe që ka pësuar. Deri më tani duket si një përvojë tjetër që të gjithë duhet të kalojmë në jetë, por një përdorues i Tëitterit ka shkuar një hap më tej dhe ka analizuar tekstin në detaje.
Në vargje thuhet: “Çdo gjë që prek bëhet plot trishtim, ishe më shumë se pak kohë, kam shumë për të jetuar pa ty, nuk do të të njoh kurrë”.Tashmë janë të shumtë ata që pyesin nëse artistja e ka shkruar këtë këngë në bazë të një eksperience personale apo thjesht e ka vënë veten në vendin e një prej atyre femrave që i është dashur ti thotë lamtumirë fëmijës para kohe.
Klan News
