”Grupin e punës që e ka formuar Ministria e Drejtësisë, i ka përgatitur ndryshimet e Kodit Zgjedhor në të cilin janë inkorporuar rekomandimet e OSBE/ODIHR.
Ministri i Drejtësisë Krenar Lloga, mbështet propozimin e grupit të punës, që reklamimi i paguar politik të mos jetë më barrë e shtetit.
Meqenëse në takimin e liderëve u ra dakord që ky kod të shkojë në Kuvend përmes deputetëve, Ministria e Drejtësisë do ta dorëzojë versionin e punës deri te të gjitha partitë politike parlamentare. Përgjegjësinë për miratimin dhe përmbajtjen e Kodit Zgjedhor do ta kenë deputetët në Kuvendin e RMV-së.
Propozimi i Kodit Zgjedhor përmban 58 nene që do të kontribuojnë në forcimin e rolit të institucioneve përgjegjëse për zbatimin e dispozitave të këtij Kodi” – thuhet në kumtesën e Ministrisë së Drejtësisë.
