Granit Xhaka, lojtari me origjinë shqiptare nga Kosova, do të kthehet në stadiumin “Emirates” në Londër për herë të parë që kur u largua për te Leverkusen. Klubi anglez njofton se kampionia e Gjermanisë do të marrë pjesë në “Kupën Emirates” në Londër dhe do të ndeshet me Arsenalin, ashtu siç do të bëjë edhe Lion i Francës.
Në ekip do të jetë Xhaka, njëri nga më të mirët e sezonit të kaluar, kur “Aspirinat” fituan titullin në Bundesliga për herë të parë në histori, po ashtu Kupën e Gjermanisë, ndërsa humbën finalen e Europa League ndaj “Bergamaskëve”, të Atalanta. Pavarësisht se nuk fitoi ndonjë titull me Arsenalin gjatë shtatë viteve, Xhaka pati një paraqitje fantastike në sezonin e fundit në Angli, duke shënuar 7 gola dhe dhënë 7 asistë në të gjitha ndeshjet e kampionatit, përveç një të vetme.
