UEFA e impresionuar nga rezultati i Shqipërisë
Ndeshja e Shqipërisë është sërish në vëmendjen e UEFA-s. Në profilin zyrtar të Euro 2024, UEFA ka përzgjedhur sërish një gol të futbollistëve kuqezi për më të bukurin e raundit. Është sërish Jasir Asani me perlën e tij të minutës së 9 ndaj Çekisë që kandidon për vlerësimin si goli më i bukur.
“Jasir Asani sërish me golazo”, shkruan UEFA në profilin e saj në Twitter.
Edhe kjo foto që përcjell emocionet e gjithë shqiptarëve për fitoren e një nate më parë është veçuar duke përshkruar me shprehjen ‘pole position’ përforcimin e Shqipërisë në vendin e parë të renditjes së Grupit E.
Ndërsa në këtë postim tjetër rezultati i Shqipërisë shihet si një nga surprizat e mbrëmjes. Në këtë të fundit bën pjesë edhe rezultati që Kosova mori ndaj Andorras.
Tv Klan
🇦🇱 Jasir Asani with yet another golazo 🤤
👀 Possible Goal of the Round contender?#EQGOTT || @AlipayPlus pic.twitter.com/41wuhJQJ4f
— UEFA EURO 2024 (@EURO2024) October 12, 2023
