Shoqata e Gjysmëhënës së Kuqe të Palestinës (ShGjKP) thotë se spitali Al Quds në Gazën veriore nuk është më funksional pasi rezervat e tij të karburantit kanë mbaruar.
“Stafi mjekësor ende po përpiqet të trajtojë pacientët pa energji elektrike mes kushteve të rënda humanitare dhe mungesës së furnizimeve mjekësore, ushqimit dhe ujit”, tha ShGjKP-ja në një deklaratë.
“Spitali është lënë të kujdeset për veten e tij nën bombardimet e vazhdueshme izraelite, duke paraqitur rreziqe të rënda për personelin mjekësor, pacientët dhe civilët e zhvendosur”, thuhet në deklaratën për X.
Ai shton se prania izraelite është intensifikuar dhe është penguar të dërgojë ambulanca në zonat e prekura – duke rezultuar në “trupa të shumtë të padeklaruar”, raporton BBC, transmeton Klankosova.tv.
E pyetur nga BBC dje në lidhje me aktivitetin e raportuar në spitalin Al-Quds, ushtria izraelite tha se “nuk ishte në gjendje të adresonte ose konfirmonte pyetje specifike” në lidhje me operacionet ushtarake në vazhdim. Por ajo ka mohuar akuzat për goditje të tjera në spitale.
