Ministrja Nancy Faeser është kundër ripranimit të atletëve rusë në garat ndërkombëtare
Sportistët rusë mund të përballen me refuzimin e hyrjes në Gjermani nëse ata lejohen të marrin pjesë sërish në ngjarje sportive ndërkombëtare.
“Hapja e garave ndërkombëtare për atletët nga Rusia do të ishte një shuplakë për atletët ukrainas. Të ofrosh një skenë propagandistike për luftëdashësin Putin do të tradhtonte të gjitha vlerat e sportit.”
Atletët nga Rusia dhe Bjellorusia janë të ndaluar të marrin pjesë në shumicën e ngjarjeve sportive ndërkombëtare që nga fillimi i luftës në Ukrainë.
Por, së fundmi Komitieti Ndërkombëtar Olimpik ka rekomanduar ripranimin e tyre, në kushte strikte dhe si atletë neutralë.
Politikanët nga më shumë se 30 vende kishin shprehur kundërshtime të forta ndaj planeve të KNO-së, por presidenti i këtij Komiteti ka sulmuar qeveritë lidhur me këtë qëndrim, duke paralajmëruar se një ndërhyrje e tillë mund të jetë fundi i Lojërave Olimpike dhe ngjarjeve ndërkombëtare sportive.
Klan News
