Përpjekjet e Koresë së Jugut nuk mjaftojnë, mposhten me rezultatin 2-3
Gana mundi Korenë e Jugut 3-2 dhe mori fitoren e parë në Grupin H në Kupën e Botës. “Tigrat” e Azisë e nisën me vrull ndeshjen, ndërsa vunë nën preison rivalët afrikanë.
Aziatikët gjuajtën shtatë goditje këndi në 20 minutat e para.
Por Mohamed Salisu i befasoi duke shënuar golin e parë të sfidës në minutën e 24’ pas një rrëmuje brenda zonës.
Pas një krosimi nga e majta të Ajevit, Kudus e dyfishoi avantazhin në të 34’.
Por Koreja e Jugut nuk u dorëzua. Vazhdoi të ishte kërkuese në portën kundërshtare dhe e mori shpërblimin në pjesën e dytë.
Ço Gue Song u risolli shpresat tifozëve. Në të 58’, ai realizoi golin e parë.
Ndërsa tri minuta më pas, ai barazoi shifrat.
Por Muhamed Kudus risolli festën te Gana me golin e tij të dytë dhe të fitores në të 68’.
Koreja e Jugut tentoi deri në fund të sfidës, por nuk arriti dot të barazonte.
Me tri pikët e marra, Gana e ka në dorë vetë fatin për t’u kualifikuar në të 16-at.
Sfida e fundit do të jetë kundër Uraguait. Ndërsa Koresë së Jugut i duhet një mrekulli ndaj Portugalisë.
Klan News
