William Gallas ka zbuluar se si trajneri i Chelseat, Mauricio Pochettino, edhe mund ta shpëtojë punën e tij mes presionit në rritje.
Tifozët e Chelseat kishin shpresuar se ardhja e Pochettino-s në verë do ta kthente klubin në nivelet e mëparshme pas një sezoni të keq nën drejtimin e Graham Potter dhe Frank Lampard.
Megjithatë, blutë kanë mbetur mbrapa rivalëve të tyre pavarësisht shpenzimeve të mëdha dhe argjentinasi është kritikuar për mungesë rezultatesh. Megjithatë, Gallas beson se fitimi i FA Cup do të mjaftonte që Pochettino të vazhdojë në Stamford Bridge edhe sezonin e ardhshëm.
Duke folur për Genting Casino, Gallas tha:
“Shiko, kur të jetë në çerekfinale, me mundësinë për të shkuar në Wembley, duhet të vazhdosh. Mendoj se e ardhmja e Poch do të varet nga fitimi i FA Cup. Nëse ai mund ta ngrejë atë trofe, atëherë unë pres që ai të jetë në krye sezonin e ardhshëm. Ai gjithashtu duhet ta fitojë atë për vete, sepse ai kurrë nuk ka ngritur një trofe në Angli si trajner. Ai është nën një presion të madh për të treguar se është i aftë të fitojë trofe me Chelsea-n. Nuk është e lehtë kur je trajneri i Chelseat, por kjo është një ndeshje që ata duhet ta fitojnë. Çdo ndeshje për Poch është si një finale. Çdo ndeshje do të jetë e vështirë për të nga tani deri në fund të sezonit. Fitorja kundër Newcastle e ka ndihmuar atë dhe besimin e ekipit për përballjen kundër Leicester. Atmosfera në Stamford Bridge do të jetë pozitive”.
