Gjatë ditës së sotme në kampionatet më të forta europiane zhvillohen ndeshje mjaftë interesante si në Premier Liga, Seria A, La Liga, Ligue 1 dhe Bundesliga.
Spikasin derbit në Premier Ligë, me Chelsea që do jetë nikoqir i Arsenalit. ‘Topçinjtë’ kërkojnë të vazhdojnë serinë e fitoreve edhe ndaj rivalit të qytetit.Por, për ekipin e Mikel Artetës nuk pritet të jetë një ndeshje e lehtë, pasi ‘Blutë e Londrës’ gjithashtu luajnë për pikët e plota. Ndeshja Chelsea – Arsenali zhvillohet në ‘Stamford Bridge’, me fillim nga ora 13:00.
Ndërkaq kryendeshja tjetër e kësaj jave është ajo në mes Tottenham Hotspur -Liverpool. ‘Reds’ po kalojnë në një periudhë të vështirë këtë edicion, andaj ‘Spurs’ mund të cilësohen si favorit. Megjithatë Liverpoooli vazhdon të jetë një skuadër e madhe, dhe pritet të luajë për tri pikët ndaj Tottenham. Ndeshja Tottenham – Liverpoooli fillon nga ora 17:30.
Një derbi I madh sot do të zhvillohet edhe në Torino në kampionatin Italian të Seria A, aty ku do të përballen Juventusi – Interi. Të dy klubet po kalojnë në një moment pothuajse të njëjtë sa i përket rezultateve. Përballja Juventus – Inter nis nga ora 20:45.
Në ligën italiane të Seria A, sot takohen edhe Roma – Lazio që fillon në orën 18:00.
Në La Liga të kampionatit spanjoll ndeshje mjaft interesante sot zhvillohet mes Atletico Madrid dhe Espanyol, kjo ndeshjet fillon në orën 14:00.
Në Ligue 1, të Francës skuadra e PSZH-së në transfert përballet me ekipin Lorient me fillim në orën 13:00.
Ndërkaq në Bundesligën gjermane sot në program janë vetë dy ndeshje Bayer Leverkusen – Union Berlin në ora 15:30 dhe Freiburg – 1.FC Köln në orën 17:30\
Përgatiti; Shaban Sinani /KlanMacedonia/
