Paris Saint-Germain janë të hapur për një largim të Neymar por paga e tij dhe çmimi e bëjnë këtë të vështirë
Edhe nëse Paris Saint-Germain ka nevojë për të ulur shpenzimet këtë verë dhe shitja e Neymar do të lehtësonte ekonominë e klubit sidomos pasi që Kylian Mbappe rinovojë kontratë të re.
Megjithatë, çmimi i lartë i brazilianit dhe paga e madhe e tij e bënë një skenar të tillë pothuajse të pamundshëm.
Bazuar në komentet e presidentit të PSG-së, Nasser Al-Khelaifi për Marca, klubi janë duke shikuar për të ndryshuar identitetin, gjë që bën që Neymar nuk përshtatet më në këtë projekt.
“Ne dëshirojmë futbollistë të ri, të talentuar, të përkushtuar me mentalitet fitoreje, lojtarë të cilët do të ‘vdesin’ për logon tonë”, tha Nasser Al-Khelaifi në një intervistë për Marca.
“Ne dëshirojmë një paraqitje më të fortë kolektive, të luajmë si një skuadër dhe klubi të jetë mbi të gjitha”.
Është e qartë që Neymar ju bashkua PSG si pjesë që i mungonte atyre kur u largua nga Barcelona.
Al-Khelaifi as nuk e ka konfirmuar as mohuar largimin e ish lojtarit të Barcelonës.
“Ne nuk mund të flasim për këtë gjë në media, disa do të vinë dhe disa do të shkojnë, por këto janë negociata private”, tha ai.
Nuk është e lehtë të ndahesh me Neymar. E kundërta, në fakt. 222 milionë euro që PSG pagoi për të te Barcelona e bënë brazilianin transferin më të shtrenjtë në histori. Rikuperimi në këtë investim, padyshim, duket i pamundur. As gjysma.
Pengesë tjetër që e bën shitjen e Neymar pothuajse të pamundur është paga e lartë e tij. Ish lojtari i Barcelonës, deri në rinovimin e Mbappes, ishte lojtari më i paguar në PSG dhe Ligue 1: ai fiton 48.9 milionë euro në vit dhe ka kontratë deri më 2025
