Në burgun e Idrizovës sërish janë duke u kryer bastisje nga njësia speciale e MPB-së, ndërsa të burgosurit po protestojnë brenda, mëson “Makfax”. Të gjitha hyrjet dhe daljet e repartit gjysmë të hapur dhe të hapur, pra pjesës së re të burgut janë bllokuar nga specialistët, përcjell KlanM.
Sipas informacioneve jozyrtare, aty strehohen të dënuar të cilët kanë qenë pjesë e një grupi droge problematik për administratën. Ata u transferuan atje pak kohë më parë.
Aksioni është i koordinuar me administratën e burgut. Jozyrtarisht, siç përcjell KlanM, po kërkohen sërish sende të paligjshme si drogë, telefona, para.
Ky veprim vjen pasi katër makina u dogjën brenda gjashtë muajve. Ndër rastet e fundit ishte djegia e veturës së zëvendësdrejtorit të “Idrizovës”./KlanMacedonia
