POLITIKA MONETARE E BP-së NDIHMOI ULJEN GRADUALE TË INFLACIONIT
Vazhdon rimëkëmbja ekonomike e Maqedonisë së Veriut, me rritje reale të BPV-së projektuar në 2.1% këtë vit, kurse 3.4% në vitin 2024, njofton KlanM.
Këtë vit, çmimet e konsumit pritet të rriten mesatarisht për 9.2%, kurse deri në vitin 2024 të kthehen në 2% – thuhet në gjetjet preliminale të Misionit të Fondit Monetar Ndërkombëtar, i cili nga 5 deri më 9 qershor qëndroi në vend.
“Vonesa e miratimit të reformave në politikën tatimore dhe tatimin solidar mund t`i kompromitojnë të ardhurat e taksave dhe t`i cënojnë harxhimet prioritare. Reforma tatimore duhet të miratohet pa anulime. Përpjekjet për përmirësimin e pagesës së tatimeve duhet të mirëmbahet dhe të përshpejtohet” – tha Zhak Manijane – shef i misionit të FMN-së.
Duke marrë parasysh se vitet e fundit, rritja e çmimeve të konsumit të gjerë zvogëloi fuqinë blerëse të qytetarëve, sic njofton KlanM, FMN-ja vlerëson se është e kuptueshme që punonjësit në sektorin publik kërkojnë paga më të larta.
“Tashmë ka hapësirë që buxheti të adaptohet për rritjen e pagave për rreth 10%, njëjtë sikurse shkalla e projektuar e inflacionit për 2023, duke llogaritur edhe harmonizimin e pagës minimale këtë vit. Gjithçka mbi këtë shifër do të krijonte ngarkesë të madhe dhe të përhershme të buxhetit. Rritja e madhe e pagave, gjithashtu, sjell rrezikun që inflacioni i lartë i përkohshëm të shndërrohet në inflacion të lartë të përhershëm” – – tha Zhak Manijane – shef i misionit të FMN-së.
FMN-ja thotë se edhe pse rritja e tarifave për energjinë elektrike asnjëherë nuk është e lehtë, do të jetë e rëndësishme të vazhdohet me reformat që gradualisht do t`i heqin subvencionet dhe do ta përforcojnë efikasitetin energjetik.
“Konteksti aktual i çmimeve më të ulëta ndërkombëtare të energjisë jep mundësi për vazhdimin e reformave. Mbështetja për llogaritë për energjinë elektrike duhet të drejtohet te amvisëritë më të varfër, në vend që të shfrytëzohet për më shumë amvisëri, siç është momentalisht” – thonë nga FMN-ja.
Në gjetjet preliminare, sic percjell KlanM, potencohet se reformat strukturore dhe institucionale janë vendimtare për gjasat e aderimit të Maqedonisë së Veriut në BE dhe duhet të përshpejtohen që të forcohen gjasat për afrimin e vendit drejt të ardhurave të BE-së në planin afatmesëm.
Lidhur me projektin e Korridorit 8 dhe 10D, nga FMN-ja potnecojnë se ende janë duke i vlerësuar implikimet ndaj financave publike. /KlanMacedonia/
