Planet e qeverisë britanike mund të rrisin çmimet, koston e jetesës si dhe pabarazinë
Fondi Monetar Ndërkombëtar ka kritikuar hapur qeverinë e Mbretërisë së Bashkuar për planin e saj për uljen e taksave, duke paralajmëruar se masat ka të ngjarë të nxisin rritjen e kostos së jetesës.
FMN tha se propozimi mund te rrisë pabarazinë dhe të shtojë presionet që rrisin çmimet. Tregjet tashmë kanë ngritur alarmin mbi planet e qeverisë duke bërë që Paundi të bjeri në nivelin më rekord të 20 viteve.
Qeveria ka bërë të ditur se masat për shkurtimin e taksave synojnë rritjen ekonomike. Paundi ra sërsish me 0.7% pasi FMN ngriti shqetësimet e saj.
FMN-ja ka argumentuar se vetëm familjet më të varfra duhet të mbrohen nga faturat më të larta të energjisë dhe kostot shtesë nga rritja e inflacionit për të kufizuar ndikimin në huamarrjen publike.
Propozimet e qeverisë së Mbretërisë së Bashkuar synojnë gjithashtu heqjen e normës më të lartë të tatimit mbi të ardhurat. Pas planeve të qeverisë huadhënësit më të mëdhenj të vendit pezulluan gjithashtu marrëveshjet me bankat mes pasigurisë. Obligacionet e qeverisë britanike janë shitur me një ritëm shumë intesiv në ditët e fundit.
Banka e Anglisë lëshoi gjithashtu një njoftim duke thënë se ishte e gatshme të rriste normat e interesit për të ulur inflacionin. Megjithatë, shumica e analistëve parashikojnë se paundi do të vazhdojë të bjerë dhe kostot e huamarrjes do të rriten nëse qeveria nuk anulon të paktën disa nga shkurtimet e planifikuara të taksave.
Klan News
