Festimet për ndeshjen e Shqipërisë me Ishujt Faroe nisën shumë herët në kryeqytet.
Tifozat kuqezi dhe jo vetëm u mblodhën në pikëtakimin e tyre të përhershëm perballë Piramidës së kryeqytetit me këngë, valle dhe nota patriotike.
Padyshim “Sheshi Skënderbej” ishte edhe zemra e festimeve përgjatë gjithë takimit mes kuqezinjve dhe Ishujve Faroe që u transmetua falas në Tv Klan.
Si mirënjohje për rrugëtimin e suksesshëm të kombëtares shqiptare, një festë madhështore u zhvillua edhe në stadiumin “Air Albania”.
Pas përfundimit të sfidës, festa kulmoi edhe në “Sheshin Skënderbej” me këngë e valle dhe simbole kuqezi. Festa me ngjyrat kuqezi nuk mungoi as në rrugët e Tiranës deri pas mesnate.
Festa për Kombëtaren shqiptare vitin e ardhshëm do të kaloje dhe kufijtë, pasi nuk do të mungojë edhe në tribunat gjermane të Euro 2024.
Klan News
