Në prag të shortit të sotëm për fazën e grupeve të EURO 2024 që do të mbahet në Gjermani, UEFA-ja ka publikuar shumën që do t`ua ndajë pjesëmarrëve të turneut, njofton KlanM.
Fondi i përgjithshëm është 331 milion euro, kurse secila kombëtare që ka siguruar pjesëmarrjen ka të ardhura të garantuara prej 9.25 milion euro.
Për çdo fitore, siç njofton KlanM, kombëtareve do t`u paguhen nga 1 milion euro, kurse barazimi do të shpërblehet me 500.000 euro.
Plasmani në raundin eliminator sjell bonus prej 1.5 milion euro, kurse hyrja në mesin e 8 më të mirëve – 2.5 milion euro.
Gjysmëfinalistët, siç njofton KlanM, do të inkasojnë 4 milion euro, kurse humbësi në finalen e madhe do të shpërblehet me 5 milion euro.
Fituesi i titullit të kampionit do të fitojë 8 milion euro.
Sipas përllogaritjeve, shuma maksimale që mund ta fitojë kombëtarja kampione është 28.25 milion euro.
Kampionati Evropian i Futbollit, siç njofton KlanM, do të mbahet nga 14 qershori deri më 14 korrik të vitit 2024 në Gjermani./KlanMacedonia
