Sven-Goran Eriksson, i cili zbuloi se ka kancer muajin e kaluar, do të jetë pjesë e ekipit drejtues të Liverpoolit për një ndeshje bamirësie.
Ish-trajneri i Anglisë në muajin e kaluar ka deklaruar se “ai gjithmonë dëshironte të ishte trajner i Liverpoolit”.
Liverpooli pas një fushate nga tifozët, ia plotësoi dëshirën Erikssonit.
“Ne jemi të kënaqur të konfirmojmë se Sven-Goran Eriksson do të jetë pjesë e ekipit drejtues të LFC Legends për ndeshjen kundër Ajax Legends në Anfield, më 23 mars”.
“Ish-trajneri i Anglisë do të bashkohet me një grup të madh të LFC-së, duke përfshirë Ian Rush, John Barnes dhe John Aldridge, për ndeshjen vjetore të bamirësisë LFC Foundation”.
I pyetur nga prezantuesi i Sky Neës, Niall Paterson, se cilin rol në futboll do të dëshironte të merrte, 76-vjeçari tha: “Babai im është ende një mbështetës i Liverpoolit dhe unë jam gjithashtu një mbështetës i Liverpoolit, kam qenë gjithmonë”, tha ai.
“Kështu që gjithmonë kam dashur të jem menaxher i Liverpoolit dhe kjo nuk do të ndodhë, por unë jam ende një tifoz i Liverpool-it”.
Për sa i përket mënyrës sesi dëshiron ta kalojë kohën që i ka mbetur, ai tha: “Duke udhëtuar, duke parë ende shumë futboll”.
“Shpresoj që ndoshta të shkoj në Angli dhe të shoh Anglinë kundër Brazilit në mars. Lojë e shkëlqyer, një ngrohje për Kupën e Botës, sepse kjo mund të jetë gjithashtu finalja e Kupës së Botës 2026”.
Ai tha se e shikon me keqardhje qëndrimin e tij pesëvjeçar me Anglinë midis 2001 dhe 2006, duke besuar se skuadra mund të kishte bërë më shumë se tre përfundime radhazi në çerekfinale në 2002, 2004 dhe 2006.
Ai kishte të ashtuquajturin “brezi i artë” i futbollistëve në skuadrën e Anglisë duke përfshirë David Beckham, Steven Gerrard, Wayne Rooney dhe Frank Lampard.
Pasi filloi menaxhimin në Suedi në 1977, karriera e tij e çoi në Portugali dhe Itali, përpara se të largohej nga gjigantët e Romës, Lazio për në Angli në 2001.
Pas largimit nga puna në Angli në vitin 2006, ai ishte trajner në një mori skuadrash klubesh dhe skuadrash ndërkombëtare, duke përfshirë Manchester City, Leicester City, Meksikë dhe Filipinet.
