Presidenti turk Rexhep Tajip Erdogan sot, më pak se gjashtë muaj para zgjedhjeve, hoqi moshën e daljes në pension, duke lejuar më shumë se dy milionë punëtorë të dalin në pension menjëherë.
Këtë e bëri të ditur presidenti gjatë një konference për shtyp me temën e moshës së pensionit, njoftuan agjencitë.
Partia në pushtet e Erdoganit ngriti ndjeshëm pagën minimale javën e kaluar si pjesë e një përpjekjeje për të rifituar mbështetjen e humbur nga inflacioni, rënien e lirës dhe një rënie të madhe të standardeve të jetesës.
Mosha e daljes në pension ishte më parë 58 vjeç për gratë dhe 60 për burrat.
Nuk dihet ende se sa do të kushtojë sistemi i ri i pensioneve dhe Erdogan ka bërë të ditur se 2.25 milionë persona kanë të drejtë për pension të menjëhershëm.
Aktualisht në Turqi janë 13.9 milionë pensionistë.
