Duke prezantuar si dëshmi mendimin e 1 mjekëve nga Ndihma e Shpejtë, ekipi i të dënuarit Bojan Jovanovski – Boki 13, ka kërkuar nga Gjykata Penale që të lirojë të dënuarin Boki 13.
“Në lidhje me gjendjen shëndetësore të Boki 13, pamundësinë për trajtim në kushte të burgut, e gjithë kjo e argumentuar edhe në mendimin e atyre ku bazohet edhe Gjykata Penale, por edhe me vërtetim nga Ndihma e Shpejtë Mjekësore, e cila 11 herë ishte e thirrur në burgun “Idrizovë”, duke dhënë vërtetim se nuk është e mundur të aplikohet terapia, as të mbahet regjimi i higjienës dhe ushqimit”, deklarojnë nga ekipi i mbrojtjes së Boki 13.
Ata kërkojnë nga Gjykata Penale në Shkup që sa më shpejtë të shqyrtojë kërkesën e tyre për të mundësuar trajtimin e të burgosurit në kushte jashtë burgut, duke u thirrur në Ligjin për kryerjen e dënimeve.
Ndryshe, Jovanovski u dënua me 9 vjet burg, ndërkaq Janeva me 7 vjet. Në “Reket” Jovanovski u dënua për veprimet e marrjes së një shpërblimi për ndikim të paligjshëm dhe pastrim parash, kurse Janeva për abuzim të pozitës zyrtare dhe autoritetit.
Në të njëjtën çështje me ta, Zoran Mileski-Kiçec gjithashtu u akuzua për marrjen e një shpërblimi për ndikim të paligjshëm, por në seancën e parë në dhjetor 2019 ai u deklarua fajtor dhe u dënua me 3 vjet burg. Nga tetori i vitit të kaluar ai e ka shërbyer atë në Burgun e Strugës.
Sipas aktakuzës, si dhe vendimit të shkallës së parë për “Reket”, pasi Prokuroria Speciale Publike hapi hetimin “Imperia” në nëntor 2018, u kërkuan para nga biznesmeni i dyshuar Orce Kamçev, në mënyrë që ai të merrte trajtim preferencial, të tilla si revokim i paraburgimit, kthim i pasaportës një dëshmitari të mbrojtur ose përfundimi i një marrëveshjeje. Prokuroria pretendoi dhe gjykata beson se është provuar, se 1.5 milion euro u arkëtuan nga Kamçev.
Nga ana tjetër, Jovanovski dhe Janeva, gjatë gjykimit hodhën poshtë akuzat e tilla, duke akuzuar se ishte një çështje e ngritur për të shpëtuar biznesmenin Kamçev. Ata e quajtën çështjen si politike.
