Shtetet e Bashkuara mbeten fort të përkushtuara ndaj Marrëveshjes së Prespës dhe integrimit të Maqedonisë së Veriut në institucionet euroatlantike, tha një përfaqësues i Departamentit të Shtetit pas zgjedhjeve të mbajtura më 8 maj.
Qëndrimi i përfaqësuesit të ministrisë amerikane erdhi pas pyetjes nga korrespondentët grekë në Uashington, për faktin se presidentja e re ka shkelur Marrëveshjen e Prespës, duke mos e përmendur emrin kushtetues gjatë betimit të saj.
