Afrim Gashi përmes një statusi në Facebook, në përpjekje për t`u sqaruar se cfarë ka menduar kur kishte thënë se Kosova është atdheu i tij.
Pas reagimeve të bujshme të opinionit dhe pas thirrjes së liderit të VMRO-DPMNE-së, Hristijan Mickoskit, partnerit të ardhshëm të koalicionit në Qeverinë e re, që t`u kërkojë falje qytetarëve nëse me të vërtetë ka patur këtë qëndrim, Kryeparlamentari Gashi ka theksuar se deklarata e tij është nxjerrë nga konteksti.
Gashi ka shkruar se është Kryeparlamentari i të gjithë qytetarëve kurse Maqedonia e Veriut është atdheu i tij.
“Për shkak të opinionit po shpjegoj se deklarata e saktë në intervistën time ishte se “Kosova është vendlindja ose atdheu i prindërve të mi dhe, si të tillë, unë e respektoj për hir të tyre. Pohimet dhe deklaratat patriotike nuk u sjellin dobi qytetarëve dhe ne nuk jemi këtu për të garuar se kush është më patrioti. Mua nuk më pëlqejnë debatet e tilla dhe kjo është hera e fundit që unë deklarohem për këtë temë”, tha Afrim Gashi.
Ndërkohë, emri I Gashit është implikuar edhe në rastin e dy të dyshuarve për spiunazh në Kosovë.
Mediat kanë raportuar se I biri I njërit prej të dyshuarve ka marrë pjesë në fushatën zgjedhore në vendin tonë.
Zyrtarë të BDI-së nuk e kanë lëshuar rastin që ta alarmojnë këtë ngjarje.
“A do ketë përgjigje për involvimin e BIA-së serbe në VLEN? Çka e lidh Zekirja Shabanin, i ati i të cilit është arrestuar për spiunazh në Kosovë, me VLEN?” – thuhet në postimin në Facebook të Kreshnik Bekteshit të BDI-së.
Ndryshe, Gjykata Themelore në Prishtinë ua ka caktuar të enjten masën e paraburgimit prej një muaji dy burrave, të cilët u arrestuan një ditë më parë nën dyshimin për spiunazh./tvklan.mk
