Një ekip arekologësh japonezë dhe peruvianë kanë zbuluar një vend adhurimi pagan në Perunë veriore ku ndodhen dhomat e varreve, mbetje njerëzore dhe dhurata qeramike.
“Kemi gjetur një sit arkeologjik të periudhës Wari që daton 800-1000 vjet pas erës sonë, në rajonin Cajamarca, rreth 900 kilometra në veri të Lima”, u shpreh arkeologu Shinya Watanabe.
“Në vendgërmim janë gjetur dy dhoma varrimi me gropa për të vendosur mumiet dhe dhuratat për paraardhësit”. Secila prej dhomave ka dy kate dhe secila ka 5 ndarje në mur ku ndodhen guaska molusqesh, pjesë qeramike dhe një pjatë trekëndëshe me cepa konikë.
Veç tyre u gjetën një trastë me mbetjet e një gruaje, një mjet lundrimi ceremonial i kulturës Wari, dy instrumente muzikore frymore, të përbëra prej qeramikës dhe dy mansheta bakri.
“Këtu jetonin njerëz me prejardhje të ndryshme. Ishte një qendër ceremoniale dedikuar kultit të paraardhësve”. Qytetërimi Wari lulëzoi në shekujt VIII-XIII dhe në vitin 1100 u pushtuan nga perandoria e inkasve./tvklan.al
