Shkupi në Kaunas të Lituanisë, Makedonija Gj.P në “Petar Milloshevski”
Sot në fushë zbresin tre skuadrat nga Maqedonia e Veriut, Shkëndija, Shkupi dhe Makedonija Gj.P. Takimit nisin sipas këtij orari: Makedonija Gj.P – RFS 17:30, Hegelmann – FC Shkupi 19:00 dhe Shkëndija – Haverfordwest County në ora 20:00.
Skuadra tetovare sot në arenën “Todor Proeski” në Shkup,do të luajë ndeshjen e parë kualifikuese në UEFA Conference League dhe do të masë forcat përballë ekipit nga Uellsi, Haverfordwest County.
Kuqezinjt që drejtohen nga Ardian Nuhiu do të luajë për të nëntin edicion radhazi në arenën europiane, ndërsa sezonin e kaluar, tetovarët kaluan dy raundet e para në Conference League, por në fund aventura e tyre u ndal përballë suedezëve të AIK. Në fakt për ekipin kuqezi është ndeshja e 50 jubilare në arenën ndërkombëtare ka të zhvilluara 12 ndeshje në Ligën e Kampionëve, 29 në Ligën Evropa dhe 8 në Konferencë Ligë, ku ka shënuar 53 gola dhe ka pranuar 64.
Kundërshtari i sotëm skuadra uellsiane e Haverfordwest, është një kundërshtar gati i panjohur dhe mund të quhen debutues, pasi më parë, uellsianët kishin luajtur vetëm 180 minuta në kualifikueset ish-Kupës UEFA (sot Europa League) në edicionin e largët 2004-2005.
Skuadra u rendit në vendin e shtatë sezonin e kaluar, ndërsa triumfoi në finalet e “Play-Off” pas përfundimit të sezonit të rregullt, por sa i përket historisë, Haverfordwest nuk ka shumë për t’u krenuar.
Ndaj, në letër Shkëndija niset si favorite për të kaluar në raundin e dytë, me sfidën që do të luhet në Shkup duke nisur nga ora 20:00 dhe do të transmetohet live dhe ekskluzivisht në “SuperSport 2”.
Përfaqësuesja e tjetër nga vedi ynë skuadra FC Shkupi
Po sot në fush zbret edhe fituesi I Kupës ekipi I Makedonija Gj.P, në stadiumin “Petar Milloshevski” në kampion e FFM-së do të përballet me ekipin RFS të Letonisë. Ndeshja Makedonija Gj.P – RFS, fillon në ora 17:30.
Ekipi i tretë që përfaqëson vendin në Ligën e Konferencave është FC Shkupi, në ndeshjen e pare është mysafire e skuadrës nga Lituania Hegelmann. Ndeshja Hegelman – FC Shkupi , zhvillohet në “Darius and Girenas Stadium” të Kaunasit me fillim në ora 19:00.
Ndeshjet kthyese do të luhen më 20 korrik. /KlanMacedonia/
