Kreu i VMRO DPMNE-së, Hristijan Mickoski në lidhje me skandalin në M-NAV, ka deklaruar se autoritetet e kanë trajtuar këtë rast sikur dikush të kishte huazuar një duzinë qebapësh, përcjell KlanM. Miskoski kërkoi urgjentisht ndëshkimin e autorëve.
“Imagjinoni se çfarë do të ndodhte nëse një grup banditësh si ky, të themi, do të hynte në aeroportin e Uashingtonit, aeroportin e Parisit ose aeroportin e Berlinit. Ose ata do të arrestoheshin tani, ose do të likuidoheshin”, tha mes tjerash Mickoski.
Mickoski, siç përcjell KlanM, theksoi se çdo ditë në këtë vit të ri, në vend ka nga një skandal.
“Çdo ditë ju keni një skandal që arriti kulmin me këtë tërbim të atij grupi kriminal banditësh që shpërtheu në ambientet e M-NAV. Dhe ajo prokurori dhe gjyqësor të vendosur partiakisht që e kaluan atë rast sikur të ishte dikush që huazoi një duzinë qebapësh nga një qebaptore”, thotë më tej Mickoski.
Sipas tij, këto skandale që po ndodhin tregojnë se duhen ndryshime.
“Ajo që po ndodh është e trishtueshme dhe tragjike. Dhe kjo është arsyeja pse ne kemi nevojë për ndryshime në mënyrë që këto lloj banditësh të mos na ndodhin, domethënë nëse ato ndodhin, ato duhet të sanksionohen menjëherë dhe të ndëshkohen”, përfundoi Mickoski./KlanMacedonia
