Është caktuar data e zhvillimit të rimeçit mes dy boksiervë të peshave të rënda, Oleksandr Usyk dhe Tyson Fury.
Kryetari i Bordit të Drejtorëve të Autoritetit të Përgjithshëm të Argëtimit (GeA), Këshilltari Turki Al-Sheikh, shpalli një nga ngjarjet më të rëndësishme që priten në botën e boksit këtë vit.
Rimeçi mes Usyk dhe Fury do të zhvillohet më 21 dhjetor në ringun “Kingdom Arena”.
“Gypsi King” do të kërkoj të hakmerret për humbjen që pësoi nga boksieri ukrainas gjatë muajit maj.
Usyk përgatitet të mbrojë titullin e tij të unifikuar botëror në peshën e rëndë, të cilin e fitoi si kampioni i parë që mban të katër rripat kryesorë të peshave të rënda në një çerek shekulli.
