Zëvendëskryeministri Fatmir Bytyqi në njërin nga panelet e organizuara në kuadër të Forumit të Prespës për Dialog në Strugë, tha se është e rëndësishme që të zhbllokohen të gjitha investimet në Ballkanin Perëndimor dhe të hapen të gjitha potencialet. Tani, sipas tij, është koha e duhur për ta bërë këtë sepse rajoni nuk ka vend për t’u vonuar më tej, por duhet të fokusohet në energji, siguri dhe financa, përcjell KlanM.
“Duhet të krijojmë një mjedis të favorshëm për zbatimin e iniciativave të biznesit që do të investojnë në sektorin e energjisë. Diçka për të cilën krenohemi është liberalizimi i tregut të energjisë elektrike, i cili ka krijuar një mundësi për sektorin privat dhe po dëshmojmë një bum të vërtetë në fushën e kërkesave për investime në objektet e reja të prodhimit të energjisë nga era dhe dielli. Aktualisht jemi në fazën përfundimtare të përfundimit të tre investimeve të mëdha në burimet e rinovueshme të energjisë, me një fuqi prej rreth 1 GWH, të cilat do të ndryshojnë strukturën e prodhimit të energjisë elektrike dhe do të bëjnë një hap të madh përpara në tranzicionin e gjelbër të Maqedonisë së Veriut”, tha zëvendëskryeministri Bytyqi./KlanMacedonia
