RËNIA E NUMRIT TË TYRE KA ARDHUR QË PAS MARRVESHJES SË ARRITUR PËR EMINGARTËT MES LONDRËS DHE TIRANËS
Numri i emigrantëve shqiptarë që tentojnë të shkojnë me gomone në Britaninë e Madhe ka rënë ndjeshëm. Sipas ‘Telegraph’ rënia e tyre ka ardhur pas marrëveshjes së arritur mes Londrës dhe Tiranës.
Bie numri i emigrantëve shqiptarë që shkojnë me gomone në Britaninë e Madhe
Gazeta “The Telegraph”, bazuar në një analizë të shifrave zyrtare shkruan se ka një rënie prej 93% krahasuar me shifrat e vitit 2022.
Rënia e numrit të emigrantëve shqiptarë vjen pasi autoritet britanike arritën një marrëveshje me ato shqiptare për kthimin e shpejtë të emigrantëve të paligjshëm në atdhe, një marrëveshje që u arrit vitin e kaluar.
Në listën e emigrantëve që shkojnë ilegalisht në Mbretërinë e Bashkuar renditen ndër vendet e para ata nga Turqia, me një shifër gati trefish me të lartë.
Londra negocioi një marrëveshje të re me Ankaranë për të rritur bashkëpunimin në çmontimin e furnizimit me gomone për bandat që merren me trafikimin e qënieve njerzore.
Aktualisht, qeveria e kryeministrit Rishi Sunak është në bisedime për të vendosur një marrëveshje kthimi që do të lejonte dëbimin e shpejtë të emigrantëve turq .
GAZETARE: XHUANA LIKA
