Por ka në plan të rikandidojë në Presidencialet 2024
Joe Biden ka në plan të kandidojë për një mandat të dytë presidencial në zgjedhjet e vitit të ardhshëm, por nuk është ende gati për ta shpallur zyrtarisht kandidaturën.
Këtë shefi i Shtëpisë së Bardhë ia pohoi vetë gazetarit të televizionit NBC, Al Roker. Megjithatë, është e paqartë pse Presidenti po e shtyn hapjen e fushatës së tij për rizgjedhje.
E kishte planifikuar ta zyrtarizonte kandidaturën që në Shkurt të këtij viti, por sipas mediave amerikane, periudha më e mundshme është Korriku, kur nis edhe periudha për grumbullimin e fondeve të fushatës.
Megjithatë, sondazhet nuk i ka shumë pozitive. Sipas një sondazhi të CNN me pikëpamje më pranë demokratëve, vetëm 1/3 e amerikanëve mendojnë se Biden meriton të rikandidojë.
Biden është Presidenti më i moshuar në historinë e Shteteve të Bashkuara dhe nëse rizgjidhet për një mandat të dytë, ai pritet të largohet nga Shtëpia e Bardhë pasi të ketë mbushur 86 vjeç.
Tv Klan
