Në një mbledhje të rëndësishme sot në Tetovë, Këshilli i Përgjithshëm i Bashkimit Demokratik për Integrim ka konfirmuar listat e kandidatëve për deputetë dhe mbështetjen e tyre për Frontin Europian. Kryetari Ali Ahmeti ka theksuar angazhimin e partisë për të forcuar integrimin europian dhe për të luftuar ndikimet e jashtme në vend dhe rajon.
Programi i koalicionit përfshin ndryshime kushtetuese dhe një luftë të pakompromisë kundër krimit të organizuar dhe korrupsionit, duke u shprehur të vendosur për të ndjekur një rrugë të qartë drejt progresit dhe stabilitetit. Këshilli ka shpallur gjithashtu mbështetjen e tyre të plotë për kandidaturën e Bujar Osmanit për president.
Listat e kandidatëve të përzgjedhur për deputetë, për zonat zgjedhore janë konfirmuar nga Këshilli i Përgjithshëm i BDI-së, të cilat u prezantuan nga kryetari Ahmeti, që përfshijnë:
Zona e I-rë zgjedhore, bartës liste Blerim Bexheti
Zona e II-të zgjedhore, bartës liste Sadulla Duraku
Zona e III-të zgjedhore, bartës liste Sulejman Baki
Zona e IV-të zgjedhore, bartës liste Enver Husein
Zona e V-të zgjedhore, bartës liste Ziadin Sela
Zona e VI-të zgjedhore, bartës liste Ali Ahmeti
BDI fton anëtarët dhe qytetarët të bashkohen në mbështetjen e Frontit Europian dhe të kontribuojnë në rrugëtimin e vendit drejt një të ardhmeje më të ndritur dhe të integruar në kontekstin europian./tvklan.mk/
