Klubi i basketbollit “Çair 2030”, ka shënuar fitore në ndeshjen debutuese në Superligën e Maqedonisë së Veriut duke fituar në transfertë kundër Kumanovës me rezultat 87-79.
Skuadra e trajnerit Erhan Ramadani dominoi përballjen e zhvilluar në Kumanovë, më çka ka paralajmëruar se nuk do të jetë kafshatë e lehtë edhe për skuadrat që kanë përvojë më të madhe në basketbollin vendor.
Fitorja në Kumanovë ishte rezultat i përgatitjeve mjaftë cilësore si dhe sjellja e përforcimeve të duhura, ndërsa moment kyç e fitores në Kumanovë ishte çereku i fundit kur ekipi “Çairi 2030” krijoi epërsi prej 9 pikëve në rezultatin 85-79, të cilën e menaxhojë deri në fund, për të shënuar fitoren e parë dhe pikët e para në sezonin e ri në Superligën e Maqedonisë së Veriut në basketboll.
Te skuadra “Çair 2030” më efikas ishte Dareil Stroler me 27 pikë, para Jusuf Mohamed me 17 dhe Meti Thaçi me 11 pikë. Te vendasit më efikas ishte dyshja Juzbashiç-Nacevski, të cilët shënuan nga 17 pikë, secili.
Nëdeshja e radhës e skuadrës nga Çairi do të zhvillohet më 15 tetor (e shtunë), kundër skuadrës “TFT”, në palestrën sportive “Kale” në Shkup.
/KlanMacedonia/
