Në një dramatike dhe me kthesa të shumta ekipi i basketbollit “Çairi 2030” që drejtohet nga trajneri Erhan Ramadani, në palestrën sportive “Jasmin” në Kavadar ,mundi klubin e basketbollit “Euro Nikel 2005” pas kohës shtesë me rezultatin 94-93, pasi ndeshja në kohën e rregullt përfundoi me rezultatin 82-82. Ishte kjo një ndeshje që direkt vendoste se cila nga këto dy skuadra do të pozicionohet në pozitën e katërt në renditjen e tabelës që ka rëndësi të madhe për fazë e play off-it.
Pas kësaj fitoreje më rëndësi të madhe trajneri Erhan Ramadani në fejsbuk ka shkruajt
“Teren i vështirë, ndeshje dramatike mirëpo luftuam deri në fund dhe e morëm fitoren që e merituam. Lëvdatat dhe meritat shkojn për çdo lojtar,për stafin e trajnerëve si dhe për publikun tonë që këtë mbrëmje gjithë së bashku lam zemrat në teren. Kjo fitore e hap rrugën që ta përfundojmë sezonën e rregullt në Top 4”.
Pë ndeshjen e fundit të sezinit të rregullt të kampionatit, trajneri Ramadani ka shkruajt. “Ndeshja e fundit e sezonit të rregullt zhvillohet javën tjetër ku në palestrën tonë SHABAN TËRSTENA presim Ohrin. Me mbështetjen e lojtarit tonë të gjashtë, në shtëpinë tonë, jemi të bindur që do të festojmë fitoren gjithë së bashku”.
Rezultate e tre ndeshjeve të zhvilluara mbrëmë
Euro Nikel 2005 – Çairi 2030 93:94
Gostivari – Kozhufi 104:73
Feniksi 2010 – Rabotniçki 69:98
Тabela: Rabotniçki 38 pikë, 2. MZT Skopje 36 (-1), 3.Çairi 2030 35, 4.Pelisteri 34 (-1), 5. Euro Nikel 2005 34, 6. TFT Mocart 33 (-1), 7.Feniks 2010 32, 8.Gostivari 29, 9.Kozhufi 26, 10. Ohri 25 (-1), 11. Naviko Ak.FMP 24 (-1), 12.Vardari 23 (-1); /tvklan.mk
