Ministri i Mbrojtjes në Kosovë Ejup Maqedonci, është deklaruar pasi që Qeveria ka miratuar në parim një nismë për lidhjen e marrëveshjes kornizë për bashkëpunim në fushën e mbrojtjes ndërmjet Kosovës dhe SHBA-së.Maqedonci ka thënë se kjo është një marrëveshje tejet e rëndësishme dhe është e dyta në Kosovë pas asaj me Turqinë që është arritur vitin e kaluar.
Qeveria e Kosovës ka miratuar nismën për lidhje të Marrëveshjes Kornizë për bashkëpunim në fushën e mbrojtjes me Shtetet e Bashkuara të Amerikës.
Siç ka bërë të ditur ministri i Mbrojtjes, Ejup Maqedonci, në mbledhjen e Qeverisë, qëllimi i kësaj marrëveshjeje është që të dyja palët të angazhohen në avancimin e bashkëpunimit në fushën e mbrojtjes, si planifikim i mbrojtjes, qëndrueshmërisë strategjike dhe ngritjen e kapaciteteve strategjike ushtarak
Marrëveshja Kornizë ka të bëjë edhe për blerjen e helikopterëve.
Ministri Maqedonci, ka folur edhe për kufizimet që ka FSK-ja në veri t ëvendit. Ka thënë se asnjëherë nuk ka bërë rizotim të letrës së ish-kryeministrit Thaçi drejtuar sekretarit të atëhershëm të NATO’s, Anders Fogh Rasmussen, ku jepet zotimi se FSK nuk shkon në veri pa pëlqimin paraprak të NATO-s.
I pyetur nga gazetarët në konferencën për media, ka thënë se asnjëherë nuk ka bërë rizotim të kësaj letre, por se do ta respektojnë këtë letër “pavarësisht se nuk pajtohen”.
