Katalanasit afrojnë një nga talentet e Brazilit
Megjithëse në situatë jo të mirë financiare, Barcelona blen lojtarë për sezonin e ardhshëm. Klubi katalan dhe brazilianët e Athletico Paranaense kanë arritur marrëveshje për transferimin e lojtarit Victor Roque.
Lojtari pritet t’i bashkohet skuadrës së Xavi Hernandez për sezonin 2024/25 dhe do të nënshkruajë kontratë deri në sezonin 2030/31. Spanjollët e mendojnë si investim duke parashikuar në kontratën e tij edhe një klauzolë blerjeje prej 500 milionë euro.
Ai luan si qendërsulmues por aftësitë tregojnë se mund të përshtatet edhe në krah. 18-vjeçari vlerësohet si lexues i shkëlqyer i lojës dhe shquhet edhe për ritmin e tij dhe aftësitë goditëse para portës. Deri tani Vitor Roque ka luajtur më shumë se 50 ndeshje në ligën më të lartë të futbollit Brazilian.
Tv Klan
