Klubi i atletikës Studenti pas themelimit të vet në maj të vitit 2001 ka regjistruara rezultate të shkëlqyera në shumë disiplina dhe në radhët e veta gjithmonë ka pasur atlet të shkëlqyer të cilët me dinjitet kanë mbajtur fanellën me emblemën e klubit që tanimë paraqet një simboli të sportit të atletikës në Tetovë dhe jo vetëm.
Gjatë vitit 2023 klubi i atletikës ishte e pranishme në garat që organizoheshin nga Federata e Atletikës së Maqedonisë së Veriut me numër të reduktuar të atletëve krejt shkaku i disa rrethanave objektive, por gjithmonë në krye të detyrës si Aldin Ademi, Berat Xhelili, Elhame Zeqiri , Senad Ramadani, Filip Pavlovskie, Suhejb Jakupi, Erjon Nuredini tjerë.
Çdo anëtar i klubit ka dhënë më të mire e vetë dhe për atë meritojnë mirënjohje të veçantë. Njëra nga atletet premtuese është edhe Elhame Zeqi student e në UEJL. Ajo në disiplinën hedhja e shtizës në kategorinë e seniorëve për vajza doli e para me rezultatin 19m e 59 cm, ndërsa në garat tjera po në organizim të Federatës së Atletikës shënoi rekord personal duke e hedhur shtizën 24 metra.
“Por kjo nuk maksimumi im, gjatë vitit 2024 do të mundohem që të përmirësoj rekordin personal dhe të jem anëtare e reprezentacionit të vendit. Për këto të arritura në këtë sport meritor është profesori Bexhet Toçi” thotë Elhame Zeqiri e cila tanimë ka filluar përgatitjet për sezonin 2024 në atletikë.
Atleti Aldin Ademi në kategorinë e seniorëve në vitin 2023 regjistroi rezultat të shkëlqyeshëm në hedhjen e shtizë me rezultatin 46.09 m., ndërsa ne hedhjen e diskut regjistroi rezultatin 29 metra e 07 cm.
Dy këto garuesit por edhe të tjerët që përfaqësojnë KA Studenti të Tetovës, në drejtimin e prof Dr. Bexhet Toçi premtojnë se janë duke punuar që në sezonin 2024 të atletikës do të regjistrojnë jo vetë rekorde personale për edhe ato shtetërore.
