Favorit mund të ketë vetëm në letër, por në fushë ndryshon gjithçka. Kështu mendon ish futbollisti i njohur Artim Shaqiri në emisionin MundoKlan. Sipas tij, ndeshjet e zhvilluara deri tani dhe eliminimet e bujshme nuk kanë qenë të rastësishme, por tregojnë që futbolli është i paparashikueshëm.
“Gati 99% e lojtarëve që vijnë nga Amerika Latine e nga Afrika luajnë në kampionatet evropiane. Kështu që mund të them që çerekfinalet, gjysmëfinalet edhe finalja do tëjenë evropiane e jo botërore sepse janë lojtarë që luajnë të gjithë këtu”, deklaroi strugani Artim Shaqiri./KlanMacedonia
