Arsenali u refuzua nga një lojtar i cili aktivizohet në kategorinë e dytë të futbollit në Angli, duke i dhënë një goditje të madhe planeve të transferimeve të Mikel Artetës.
‘Topçinjtë’ e nisën verën me disa objektiva kryesor të cilët shumicën prej tyre ia dolën që t’i transferojnë.
Nuk ishte një sekret se Aaron Ramsdale do të largohej nga Londra këtë verë pasi kishte humbur vendin në formacion nga David Raya.
Experience between the sticks 🧤
Welcome to The Arsenal, Neto 🇧🇷 pic.twitter.com/BLaNmNHyRB
— Arsenal (@Arsenal) August 30, 2024
Ramsdale e kompletoi transferimin prej 25 milionë eurosh tek Southamptoni në ditën e fundit të afatit kalimtar, duke e lënë Arsenalin të detyruar që të transferojë një tjetër portier për të rivalizuar Rayan.
Ishte portieri brazilian Neto i cili u transferua në fund nga Bournemouth në formë huazimi për këtë edicion, pas përpjekjeve të dështuara për të nënshkruar me Joan Garcian e Espanyolit.
Sipas The Sun, Arteta kishte qenë i interesuar edhe për portierin e Wigan Athletic, Sam Tickle, por ky i fundit refuzoi mundësinë që t’i bashkohet Arsenalit si portier i tretë.
22-vjeçari nuk ishte i interesuar që vitet më të mira të karrierës së tij t’i kalonte në bankën rezervë, kështu që vendosi të vazhdojë tek Wigani aty ku mban pozitën e startuesit./Telegrafi/
