Ish-Kryeministrja e Skocisë në Britani të Madhe, Nicola Sturgeon, është arrestuar nën akuzën e financimit të paligjshëm të Partisë Kombëtare Skoceze.
Ndalimi i saj pason arrestimin e bashkëshortit në muajin Prill, si ish-shefi ekzekutiv i Partisë Kombëtare Skoceze, i cili u lirua më pas.
Një zëdhënës i ish-Kryeministres së Skocisë, bëri të ditur për mediat britanike se Nicola Sturgeon po bashkëpunon me autoritetet në kuadër të këtij hetimi. Ai konfirmoi gjithashtu edhe arrestimin e saj.
Ndërsa partia nuk bëri asnjë koment për arrestimin e Sturgeon. Zëdhënësi i Partisë Kombëtare Skoceze tha se kjo forcë politike ka bashkëpunuar me autoritetet dhe nuk mund të bëjnë asnjë koment përderisa hetimi po vijon. /tvklan.al
