Dy serbë janë arrestuar sonte në Banjskë të Zveçanit.
Kjo u bë e ditur për Klankosova.tv nga zëvendësdrejtori i policisë për rajonin e veriut Veton Elshani.
Ai theksoi se brenda një veture është gjetur një sasi e konsiderueshme e armëve.
“Vetura ka qenë e parkuar në parking të një hoteli. Rasti do të hetohet dhe do të shohim nëse personat e arrestuar kanë të bëjnë me sulmin ndaj policisë”, tha Elshani.
Deri më tani numri i të arrestuarve ka shkuar në tetë.
