Banori i “Big Brother VIP Kosova”, Arioni, është rikthyer në vëmendje në rrjetet sociale, veçanërisht në TikTok, për një rol që shumë fansa nuk e dinin se ai e kishte realizuar në të kaluarën.
Në këtë platformë, është shpërndarë një klip nga paraqitja e tij në episodin 101 të serialit të njohur vendor “O Sa Mirë”.
Para se të bëhej i njohur si reper, duket se Arioni ka pasur një eksperiencë në botën e aktrimit, ku ka luajtur një rol dytësor në këtë serial shumë të dashur për publikun.
Një detaj interesant është se në të njëjtin episod, i ftuar special ka qenë një nga figurat më të rëndësishme politike në Kosovë, ish-lideri i Partisë Demokratike të Kosovës, Kadri Veseli. Kjo i shton rëndësi paraqitjes së Arionit në një projekt të madh kulturor dhe televiziv të kohës.
Arion, a je ti? #osamire #arioni #bbvk3 #bigbrothervipkosova #tiktokshqip #kadriveseli #pdk #dhezipahiri #fy #fyp #shkovirale #kosova #foryouviral #humorshqip ♬ alkuperäinen ääni – Humorshqipe_002
Ky rikujtim ka ngjallur diskutime dhe komente pozitive nga fansat, të cilët e kanë komplimentuar për talentin dhe përpjekjet e tij të mëhershme artistike.
Ndërkohë, shumë nga ndjekësit e “Big Brother VIP Kosova” janë shprehur të mahnitur nga fakti se Arioni ka pasur një përvojë të tillë para se të futej në industrinë muzikore. /Telegrafi/
