Guvernatorja e Bankës Popullore, Anita Angellovska-Bezhoska, ka bërë deklaratën se vendi po bën një hap drejt anëtarësimit në Zonën e Vetme të Pagesave në Euro (SEPA).
Në një intervistë për agjencinë rajonale të lajmeve SeeNews, Guvernatori Angellovska-Bezhoska u shpreh se miratimi i ligjit të ri për shërbimet dhe sistemet e pagesave, si dhe një sërë aktesh nënligjore të harmonizuara me rregulloren e BE-së, janë hapa kyç për këtë proces.
Nëpërmjet këtij integrimi, qytetarët dhe kompanitë do të kenë mundësi të kryejnë pagesa në euro për shtetet anëtare të BE-së dhe një numër të madh vendesh jo-anëtare të BE-së në një mënyrë të shpejtë, të sigurtë dhe efikase. Kjo përparësi do të sjellë zvogëlimin e kostove të transaksioneve ndërkufitare, duke ndihmuar veçanërisht në rritjen e remitencave nga qytetarët tanë nga jashtë.
“Kostot e transaksionit të importit dhe eksportit janë shumë të rëndësishme për firmat, si dhe për ekonominë tonë në tërësi, duke qenë se ajo është shumë e hapur. Ulja e kostove për kompanitë do të ndihmonte në rritjen e përgjithshme të ekonomisë. Për të arritur këtë qëllim, duhet të vazhdojmë të harmonizojmë rregulloret tona me SEPA-n, si dhe të përgatisim vetë infrastrukturën e pagesave”, thekson Angellovska-Bezhoska.
SEPA përfshin 36 vende, duke përfshirë 27 shtete anëtare të BE-së, 3 vende nga Zona Ekonomike Evropiane (ZEE) dhe 6 vende të zgjeruara gjeografikisht që nuk janë anëtare të ZEE-së. Rënja e tarifave për transaksionet financiare në Ballkanin Perëndimor në fillim të këtij viti reflekton një hap të njëjtë drejt përafrimit të rregulloreve me ato të SEPA-s.
