Albano ka bërë një rrëfim të ndjerë lidhur me raportin e tij me të atin, pas divorcit të prindërve. I ulur në oborr, ai rrëfeu i prekur se kishte 10 vite pa e takuar të atin, në një bashkëbisedim me Rigelsën.
Ai theksoi se ia ka ndjerë mungesën, por nuk e ka shprehur. Albano theksoi se i ati jeton në Milano dhe u takuan gjatë festave të fundvitit, pasi aktori ishte i angazhuar me disa koncerte në këtë qytet.
“I kam të divorcuar prindërit. Marrëdhënie kam (me babain), por jeton që në 2001 në Milano dhe kisha nja 10 vite, 11 vite pa e takuar. E takova këtë vit që vajta për Vitin e Ri, qëndrova dy javë aty se kisha dy koncerte me shqiptarët e Italisë dhe takova babin”, tha ai.
I pyetur nga Rigelsa nëse ia ka ndjerë mungesën, ai tha: E kam ndjerë po nuk e kam shprehur.
Më tej fermerët kanë pyetur Albanon se përse nuk e nxjerr një këngë pasi e kanë parë duke i rënë pianos dhe ai është shprehur se do të ishte fyerje për këngëtarët.
