Arabët gati të firmosin me argjentinasin për 400 milionë dollarë në sezon
E ardhmja e Lionel Messit pritet të jetë telenovela e kësaj merkato vere. Argjentinasi nuk ka ndërmend të rinovojë për një tjetër sezon me PSG-në dhe kjo ka ngjallur interesin e ekipeve. Madje sipas asaj që raporton “Reuters”, Arabia Saudite ka nisur të joshë sulmuesin argjentinas. Një ofertë zyrtare prej Al Hilal dhe që vlen 400 milionë dollarë në vit ka mbërritur për futbollistin. Shifër tepër e lartë që e shndërronte 7 herë fituesin e Topit të Artë në lojtarin më të paguar në botë.
Në rast se gjithçka do të konfirmohej, kampionati arab i futbollit do të ishte ndër më të titulluarit në Botë. Me dy futbollistë plot cilësi si Ronaldo e Messi, Arabia Saudite do të konsiderohej edhe si kampionati më i vlefshëm.
Klan News
