550 mln Euro dhe disa lojtarë të Barcelonës
Pezullim nga Klubi u hoq këtë mëngjes dhe Messi u rikthye në stërvitje, por mediat botërore citojnjë burime duke konfirmuar se argjentinasi ështrë gati të pranojë ofertën e Al-Hilal.
Propozimi i sauditëve është për 400 milionë + 100 deri 150 milionë që vijnë nga sponsorët. Francezja L’Équipe pretendon se oferta do të mirëpritet duke u bërë kështu kontrata më e lartë në historinë e futbollit. Pak ditë më parë spanjollja Marca citoi një menaxher të FIFA-s shumë pranë presidentit të PSG Al-Khelaifi, i cili ka thënë se Messi pret vetëm pëlqimin e familjes së tij për të nënshkruar në Arabinë Saudite.
Ndësa gazetari francez Mohamed Bouhafsi raporton se Al-Hilal, për të bindur Messin do të bëjë oferta për Jordi Alba dhe Sergio Busquets. Ai shton gjithashtu se një tjetër ofertë po përgatitet për Marco Verratin. Nëse realizohet, do të ishte hera e parë që ndodh në futboll që shuma e madhe financiare për Messin të shoqërohej edhe me shpenzime për futbollistë të tjerë.
Tv Klan
